عبدالله بن خشمانمرحبا ترحيبة الحكام ب شيوخ القبايل
ردتن ماقبلها الا العود والدله بعدها
من يجيب العلم ياتي بالبشهود والدلايل
العلوم الاوله يامطير ماشفنا سندها
فايز الميموني
البقا واللي علا الطاله يسوقون المثايل
يوعدون بخير كان ايامهم يصدق وعدها
كل مادً فيه نقشة حرب من ركض الاصايل
ناس يقهرها النصيب وناس يسبقها سعدها
عبدالله بن خشمان
لو تسوق الرجل من دارك ليا ضلعان حايل
ربعك المطران ماتسكن بلد ماهو بلدها
الليالي ماتجيب الا المشاكل والهوايل
كيف تبغاها تحدك وانت يافايز ولدها
فايز الميموني
انت في صدرك تشيل علوم مدري ويش شايل
موهبتك الله يحييها وتطلع من مهدها
من يضريها على المقعاد ووقوف متمايل
ان سلم من رجلها ولا تحطه حدر يدها
عبدالله بن خشمان
كل ماروحت كاسب جاتك عيال الحمايل
المواريد البعيده تتعب الي ماوردها
من رضا بالتاليه ماهوب طامع بالاوايل
كلمتن من قلبي الصادق واخذها واعتمدها
فايز الميموني
ماوردنا الا عدود دونها جيش وفصايل
وارتوينا والعيون ام الرمد فيها رمدها
انت عقب العام كنك شايف نجوم القوايل
عقب ضاعت من فم السرحان ذكاها فهدها
عبدالله بن خشمان
كل مدحً له فعول وكل مجدً له سلايل
من وجد ثنتينها يشره على الي ماوجدها
الركاب محمله ولا تشيل الا الثقايل
علم الي ناقته درهامها يظهر زبدها
فايز الميموني
الرسايل تاصل الموتى ولا ترجع رسايل
والبيوت اللي بدون اطناب مايثبت عمدها
الديار الله رحمها بالعجاج وبالمخايل
القوارش تندفن وام البرد ينفع بردها
mhawrat 