علي بن خشمان ومطلق

محاورة الشاعر مطلق والشاعر الموج – روم المحاورات
مطلق

اول الـلـيـل بــصـدور الـريـاجيل نـيـه

وآخــر الـلـيل ويـن مـدورين الـنصايح

يابن هاجر علامك ماوسمت المطيه

يوم يملا صميلك من ديوس المنايح
الموج

ضيفكم كل ماشرف بهضبة طميه

يـحتري مـن مـعازيبه تـجيب الذبايح

يـاهل الشرق كل جمالكم ساحليه

بـركوها وتـنقل كـل افـندي وسايح
مطلق

اقلط اقلط على الماجوب والنار حيه

تـحسبنك عـلينا مـثل مـاجيت رايـح

مـن مـساحيب داب اليا مساحيب حيه

مـايـعطر ثــراك الا الـمـزون الـروايح
الموج

مـاعـليكم وانــا لاجـيتكم مـاعليه

لـو تـحد الـسيوف ولـو تفيض القرايح

جــرت الـذيـب مـاطـاها بـقـاعٍ عـذيـه

لـو سـمعت الـرعود وتـسبر البرق لايح
مطلق

لاتـقطع عـروق الـطلح صـبح وعشيه

كـل مـاجاك بـالأسرار راع الفضايح

يـوم ورد الـظوامي فـوق جـال الركيه

وانــت مـتـجودٍ بـرشـاك والـدلو مـايح
الموج

يـوم يـبست ولا فيها عن الشمس فيه

يـوخـذ عــلاج مـنـها لـلقلوب الـجرايح

ضـربـنا فـالوجيه الـلي تـقادح حـميه

حــزةٍ فــاز فـيـها بـليس والـدم سـايح