سعد بن جدلان الاكلبيياسلام الله سلامٍ كل منهاجٍ يدله
ناحرٍ طور الحجاز ويسبر القطب الشمالي
قوم يامطلق ولا تاخذ من القمرا مظله
المظله مالها ماجوب في بعض الحوالي
مطلـق الثبيتـي
مرحبا ترحيب رجالٍ يرحب في محله
مرحبا ياشاعرٍ غالي وتجلب كل غالي
البعير اليا مشا في الدرب حبله ما نتله
وان رغا والا هدرلي ما قطرته في جمالي
سعد بن جدلان الاكلبي
كل يومٍ كاسبٍ لك بوك في الصندوق غله
نوب تاكلها حرام ونوب تاكلها حلالي
كل يومٍ يالثبيتي مايجي الا في محله
والف والا الفين ماتحسب خساره من حلالي
مطلـق الثبيتـي
والله اني ما اتفرج في رسومٍ في المجله
المجله كلها في السوق ما تسوى ريالي
انت لغزٍ ياطويل العمر ما نقدر نحله
مايحلك غير عنتر عم بو زيد الهلالي
سعد بن جدلان الاكلبي
كان ما عينت في الأيام مدفاعٍ تشله
يمكنٍ يكسب نصيبك في مقاديم الليالي
كان كل النو مثلك يالمزون المستهله
لانبي منها سحاب ولانبي منها خيالي
مطلـق الثبيتـي
زاد ملح البحرفي الخفجي وحلقي كيف ابله
والعرب ماتت وانا في هجرتي عايش لحالي
واحدٍ ياخذ ويعطي في زمانه ما نزله
ما نبي الرجال ينصب كلمته والجيب خالي
سعد بن جدلان الاكلبي
انت تبغى المال كله مير ضاع المال كله
مير انا رجال متحرص وحافظ راس مالي
يالثبيتي جعل راسك ما يخلى في المذله
مير لاتكرب حبالك وانت عمي وانت خالي
مطلـق الثبيتـي
الكتاب اللي كتبته عند صفوى لا تفله
عارفين حروفها اللي كنها قوس الهلالي
mhawrat 