علي بن خشمان وفواز

الموجمرحبا والشك يافواز ياجعله يولي

مثل ماولى رجب ثم حل شعبان ب مكانه

 ودنا ناخذ نهاية ليلنا ضحك وتسلي

والخوي عندي بحفظه مثل حفظي للامانه
فواز

البقا والشك ماله عندنا مرتع يفلي

وانت ابو مختار بين السيف والا الخيزرانه

الامانه صونها وان خنتها يا طير ياللي

مابقا لك ضحك سن ولا بقا لي ليل دانه
الموج

 الامام الحنبلي في مسجد الهادي يصلي

ون طلع يرقص طرب لاسمع صوت الاسطوانه

جانب الترحيب والصفطان راح ل بامجلي

كن كل الناس من دونه بها غدر وخيانه
فواز

من يصدق هاجريٍ وامردٍ ثوبه مدلي؟

يمشط اللي في طريقه شوك ولا زعفرانه

 لا تحفّا لي واعرفك لا تشيل ولا تخلي

ضامنك والموت ماله يا بني هاجر ضمانه
الموج

يانظيف الكف لورديتها عند المتلي

ننشدك وش فعل بصري من عقب نكبة حصانه

ماضمنت الا عزيزٍ حزة قدومك يهلي

وانت ضيفٍ ودك ان معزبك تقطع لسانه
فواز

ناقة عريمان ما فيها لبن لو ربع ملي

وانت تحلبها تحسب انك ذكي عندك ذهانه

مانبي لك ضر وان حسك لهيب الشمس قلي

يا معزبنا تضيق شوي من زود الميانه
الموج

شوفها يجلا عماس الراس شوفٍ مايملي

لومافيها غبوق وقربها شر ولعانه

لابسٍ لك ثوب لكن راسك ب خوذة مضلي

لوتوايق سد ريع ولو تحول في طمانه
فواز

انت مفتون الهوى والحب سامي ومتعلي

معطين روحك نحيل الخصر يوم ابدا ثمانه

اخ يا عباس ابن فرناس لو داخلك ذلي

ماتحول من جبل والموت ذقت زعيتمانه     
الموج

وش حياتي كان ماسوق البشاير لجل خلي

يوم اشاهدها مااطالع فيك ياعنتر زمانه