الموج
كل ماجيت لي خبره وقلت السلام

قالو الضيف له قلط ويامرحبا
من تعزوا يجود بندقه والحزام

 عقب بلقييس جانا من جهينه نبا

محمد 
انت شاعر ولك ماقف وذروة سنام

مير الاجواد ماتدري عنك وش تبا
وصلت بروقها تكشف ستار الظلام

 ماكلين الحـلال وماكلين الربـا

الموج

يامحمد عليك امن الليالي ملام

 انت هدهد ولانت ب مثل هدهد سبا
 احسبنهاتوقع فاللحم والعظام

 واثرها من غشامه ثورت ف الخبا

محمد
 ابرك اشهورنا شهر الرضا والصيام

 من يقول الذيابه ما تصيد الضبا
وكانك اللي يطيع اللي تدق الوشام

اشهدنك على قـول الرجال تهبا

الموج

 الله اللي خلقه ادم عليه السلام

وسجدوله لاكن ابليس صد وابا
تختلف مشيت الحكام ل ام اللثام

 وانت لحيتك من جور السنين شهبا

محمد

 اركد الله يبارك فيك وش هالكلام

انت مدري دخلك ارهاق والا وبا
لا تـدور صويفين سنامه ايدام

قدمك السيل قيل انه وصل لزبـا

الموج

صرت محرم ليامنك لبست الحرام

 لاقضيت الفروض ولاكلاك الدبا
 يرحم الله من راحت حياته عدام

 عود ولاغرير ومقتفيه الصبا

محمد

 الاشده على ظهور الركايب حيام

 احرموا فالرياض وقعوا في ضبا 

الموج وساري

الموج
من كثر ماقلت مافيه شي فالضمير

غير كلمة مرحبا للضيوف اقولها

خابر تمر الحسا غير عن تمر الزبير

ليتني ضيف علي هجر ولاحولها 
ساري
الكلام الي تقوله سمعته فالأثير

البقاء وضيوف الأجواد من مرسولها

الأحساء غيرً عن الشرق ولا الشرق غير

لاتعدئ الجوف والجوف من مدلولها

الموج
ماجذبني للهوى لمعة الثوب الحرير

لوعلي عذرا من وصوفها فزولها

وانت فوق القاع لانت ب طويل ولاقصير

لاتوالفها وطولك يخالف طولها

ساري
كم عذرئ أعذرت فيك ي السيف الشطير

وأحتماها شايبً من علئ مجدولها

أنت منته لا ولد حاكم ولا أنته امير

كيف تجمع راسها ي ولد ورجولها

الموج
ضربة الطوفان زلزال فالبحر الغزير

لوحصاتك في طريقه خطير يزولها

من تردي ماطلع في بني عمه سفير

العرب لوغيبت ماتغيب عقولها 
ساري

ويش يفرق خط شقرئ وأنا ابغئ شقير 

ما عرفنا صاحي الناس من مهبولها

الجبال الي تذريك ي الضلع الصغير 

أعجزوا قوم المسامه لا يرقولها 

التاريخ وجاهز

جاهزسلام الله سلامن كنه الرايات / قصير الشوف مايعتاز دربيله / طبخت الفاس وتزيده من الدمعات / وحظن مضحكك تاليك تبكي له 
التاريخ

هلا يامرحبا والسيل له منحات / شعيب الضلع لا تاقف على سيله / الا جاهز علومن روحت ما جات / وتالي العام يومياي بمنديله
جاهز

يدوم بك البقى يامغرق الجرات / تحول فالرمة ماعنه تحويله / تقعد للرسالة والبس الششمات / وحرفن تنطقه يفضح دواويله
التاريخ 

مطوع تخلط السيات فالحسنات / ياليت العود ما بهر معاميله / انا بنشدك عن حيٍ بعد مامات / خذو بشته وغنو في تماثيله 
جاهز

أسوق الكيف للوافي دبلت وفات / سفيه القوم مالاعبه بالتيله / ليا مات الحنش من لقحه الحيات / تناسل من لقاحه لو فنى جيله
التاريخ 

يبيح الله فهدنا راعي الصملات / بعد ما راح جيلن مقتفي جيله

طير نجد وجاهز

محاوره جاهز طير نجد روم المحاورات 

جاهز

مافيه عدل ولابدل ولالك مجال / دونك لحافك ومسح حاجبك بطرفه / ياكثر مابه من خبولن تحكر الخبال / تبخل بأدبها وما يدني بها مسرفه
طير نجد

يهديكم الله وترجع عندنا عال عال / ماني بخابرك تنكر واحد تعرفه / في يدك سيف محنا وانت قد النزال / اضربه في اللي يخون ديانته وشرفه
جاهز

الجيب مابه من البيزات كود الريال / يصرف بنصين وألا أرباع من مصرفه / كل قحطاني هنا يملك مع المال مال / يفتن عليك إن لحظك تقرب المغرفه
طير نجد

ابشرك مالنا واجد ورزقن حلال / مالي ومال الذي بالدمع جا يذرفه / قحطان ربعي ترف اعلامها فوق الجبال / والشك زايل وخل الهرج لا تحرفه
جاهز

إن كان شبعت رحاك يبين فوق الثفال / ونقول يسلم ذراعك واجتهد واكرفه / بعض الرسايل تبا فطنة وتطويل بال / كم واحدن خانته عينيه بالمعرفه
طير نجد

الكرف خله لكم ياللي تخيل الخيال / بنيت جدر معك والحين انا بجرفه / بنصحك رح للدلم فيه النخيل الطوال / اشبك على نخلها بالناي ولا درفه

جاهز وطير نجد

جاهزتلعب على الأبجدية لين حست الحروف

.. ماجبت حرفن يسد بكتبته خانته @ 

قصدك تصييد وماطاعتك كل الظروف .

. لوهي تحبك خفاها خص لك بانته @ 
طير نجد
حنا درسنا النحو والصرف بس الصدوف *

 خلت لبيب العقل من صانته خانته

ان جات ولا ترى ماني كثير الحسوف *

 نسبح ببحر الخليج اوننتقي دانته
جاهز
حتى إيش لوبك ذهانة فيه شين يطوف 

.. والمبتدي مثلك تشرفني إعانته @

الحمل شده مصك بحامله مايروف .

. قلبه حجر واليهودية ترى ديانته @
طير نجد
العود يبغى نشيله شيل فوق الكتوف * 

هذرا وشال الحوايج وسط كمانته

ياذيب باللي تحوف الناس حولك تحوف *

 ديان ياليت يسلم شر ديانته
جاهز
الشايب اللي تقوله فيك سوا معروف .

. إن كان تجحد علامك جيته بحانته @

عيال عمك تشوف وكنها ماتشوف ..

 لاجبت مبداك جاء للقاف كنانته @
طير نجد
مادام شبهتها حانه عساها الذلوف *

 كتب المعاجم ترا من هانها هانته

ربعي حزامي لها تقدير رغم الانوف *

 والظن فيها حسن ماخاب ظنانته

علي بن خشمان وجاهز

الموجهلا مرحبا ترحيبتن كلها طيب / تسلم لرجالن عزيزن جنابه / ياجاهز لقينا لحيتك كلها شيب / ولانت بحفيد الانبياء والصحابه
جاهز

يدوم البقى باللي لهج بالتراحيب / وزود الكرم لي سمح الله جنابه / بياض اللحى ماهوب منقودن وعيب / ولو شبت أنا زدت المهابه مهابه
الموج

تبا الخير غير الخير دونه مشاعيب / لو الصدر كله للمسير رحابه / تشرف بليلك فوق روس المراقيب / تراقب وخلفك فيه شاشة رقابه
جاهز

يدينك تصك بها حنافية البيب / ولا لك سنع فالرزق ماضي كتابه / أدربل على مثلك وأسجل عذاريب / ولا أظلمك فيك مروة وبك ذرابه
الموج

علينا مواجيب وعليكم مواجيب / ولا فيه حق تاخذونه نهابه / تحفت خفوفك خلف حرش العراقيب / مع الضلع ولا في بطون الشعابه
جاهز

أنا وأنت بولاية كبار المعازيب / أقول الظلايم تنتزعها الطلابه / ياكذبك كثير أحيان ترجم على الغيب / على مطوعن ياموج بيضن ثيابه
الموج

سرا في ظلام الليل مع جرة الذيب / انا ويش ابيبه دام محدن درابه / تجينا الرسايل بينه فالمكاتيب / والاسماء تشابه والحكي ماتشابه
جاهز

أنا خابرك ما أنت بمغثرب مشاريب / لكن أقشر النابت تراه الدوا به / زمان الغشش خلك على الشك والريب / ذكرها مع إنثاها بخشرة زهابه

علي بن خشمان والرعاد

الموجاقبل خيال يقود وفيه حس الرعود

عساسيوله تطول كل عودن خضر

لايجمع الشاعر الرعاد من كل عود

يكفي عن النار اشاهد ليل خمسة عشر
الرعاد

اخيالك اللي شهر سته ماياتي بفود. 

الا إذا الله طرح فيه ابركه فالشجرر.  

لامات ابورجاء ماعاد ابه عود

لو كان راسك يفوح امن الطغا والسطر

الموج
حلمت لي حلم ب انك بالمعرفه تجود

لوالمعرفه بيوت ماعليها خطر

خل العرب وانتبه ل قبور عاد وثمود

 من مرها هلت دموعه سوات المطر

الرعاد
حلمك طلع علم مير النقص ماهو بزود

 والعيد ماجاك غير امن العنا والسهر

نستقبل اوفود فالدعوا ونودع وفود

والموج يومي بيّده صوب زيد وعمر

الموج
من قشر حظي مايجلب غير كل معقود

 ليا طلبت الربيع اشوف عج ودهر

 ليالك البيض عيت تنجب ايام سود

 مثل الحلا ماتذوقه لوشريت البحر
 الله يسامحك ويكافيك عين الحسود

 تذمر من الدهر وانته تقطف امن الزهر

حنا بذلنا معك يابومبارك جهود

 اليا دفنا قبر تحفر بداله قبر

الموج
اول حياة الشقا تاخذ طبوع اليهود

واخر حياة الشقا تسرق بشوت الوبر

 لوهي علي موتتك نطلق عليك الفرود

 لاكن سكتنا عن الضيفان عز وظفر

الرعاد
خليتها تسرح وتمرح بليا قيود. 

وانا بري من ظلايم شخصك المعتبر.

البيت ماياقف الا فوق وسق العمود. 

وانته معك علم وانا معْي علم وخبر.

فهد بن فلاح الهاجري وعلي بن خشمان

إحساس شاعر سلام الله عليكم والمعاني بابها مفتوح / على نهج الرجال اللي تقدرني وقدرها / يقولون العرب بعض الليالي سدها مفضوح / وشوف الموج بعض احيان يعمرها ويدمرها
الموج

هلا يامرحبا في صالحي مالك بها مصلوح / يقوله واحدن لاجيت بالزلات يطمرها / مدام الله ومر واصبحت راكب في سفينة نوح / يعبرها نبي من قال بن ذروه يعبرها
إحساس شاعر 

الا يالبندق الصمعا يشيلس واحدن مشفوح / وضيع صيدته قدم العرب والناس تسبرها / عيونك في سنام شعيل مير اشعيل ذا مذبوح / ثلاثه يكسرون البيت والرابع يجبرها
الموج

لو انك طير عابر كان من ضرب الفشق مطروح / وغيره كلمتك قدم النشاما لاتكررها / على كثر المراجل ليه يدعونك ببو فلووح / عسى مابه علومن ثانيه للقوم تذخرها
إحساس شاعر 

تهددني ولا انته من رجالن يبعدون الشوح / أسوق الرجل يم اهل العلا وانته تعثرها / تبا تقلط على عز وكرامه والقدور تفوح / وخلك في ذرانا والبنادق لا تثورها
الموج

عيوني ماتشوف الا مسامير نشبت في لوح / لو اني خابرك بالطيب تذرعها وتشبرها / ذراكم هو ذرانا فاللقا والموقف الممدوح / بني عمي ليا جات المواقف من مصادرها
إحساس شاعر 

اعرف انك تهز الراس الا غنا حمام الدوح / وهذي عادتك في مقبل الايام واخرها / تجي كلمه من الطيب وتثر فالصدور جروح / وغلطه من وسيع العرف حنا ما نمررها
الموج

تعرف المجد واهل العز لكن مابنيت صروح / تمسح لحيتك كنك من الاجواد تسترها

الرعاد وعلي بن خشمان

محاوره الموج والرعاد روم المحاورات 
الموج

انت يالشاعر الرعاد فيك فلوق

 جاير الوقت يوميلك بمشعابه

 ليت رزقك كثير تعيش يامرزوق

 وتذرا ببيت العز وحجابه
الرعاد

انت مشكلتك اعيونك تخايل فوق

 وانت فالوادي اللي حمرن اشعابه

 رزقي اللي خذيته طابق ومطبوق

وسط غابتك وانته تعرف الغابه
الموج

جيت بافتش اللي داخل الصندوق

 واثر ماوسطه الا بشت وعصابه

 حد ربي جعل بين العباد حقوق

والنهايه برمح صاب مضرابه
الرعاد

خل عنك التفتش وانت وسط السوق

بيع واشتر وعطنا جابه ابجابه

 حد ربي نعرفه وانت يامخلوق

منت لاحق على شين تلّهابه 
الموج

المخيله بدايتها رعد وبروق

 وانت تلعب واثر دنياك لعابه

صل في مسجد العباس لو مفهوق

 مثل من مر فالحاره وصلابه
الرعاد

الهوا ساق عنّا المزن سوق وسوق

 لين عدّت ورا نجد وورا اهضابه

 وانت فالبيت صل ولو مابك عوق

فيك شيّن لكن مابغى اتحاكابه

محمد مطلق المسارير وعلي بن خشمان

محمد بن مطلق المسارير
العب يابن خشمان يمكنك تعيد الذكريات

لوكان منته ب احمد الناصر ولانت ب الاكلبي

دارت عليك الدايره وافلست من كل الجهات

انته من اول صاحبي واليوم منت بصاحبي

علي بن خشمان

الله اكبر يازمان شال معه المعجزات

خلاك باسمك يامحمد لارسول ولانبي

لاتحسب الاشراف ماتو من بعد موت بركات

تاريخهم باقي علي الطالات والمجد الابي 

محمد بن مطلق المسارير
اسمي بدون ملاحظه واسمك عليه ملاحظات

وانت ومعك عشره من الشعار في سد شنبي

انته وبن قشعم تبون تحققون الامنيات

اعرف وش تبغون وانتم ماعرفتو ويش ابي

علي بن خشمان
ليت العتب يطلع علي الشرد وصوغ المفردات

حتا تواجه حزة الميقاف غاية مطلبي

الله يعوض المسلمين الباقيات الصالحات

مالك عن المقسوم لوتزحف ولو تحبي حبي

محمد بن مطلق المسارير
انتم معازيب القصيد اللي بدوون مناسبات

عساك يامذهوب لاضيفي ولانت معزبي

الحمد لله والثنا ولاعلى االعالم شمات

الاوله باسم الله الرحمن وبليس يهبي

علي بن خشمان
حنا معازيب القروم اللي تروز الطايلات

ولانت مالك غير شلفا كنها قرن الضبي

لاجيت اراجع مامضي واذكر سنين ماضيات

الدين واحد والمذاهب ماتشابه مذهبي

محمد بن مطلق المسارير
شلفاي تعرفها وتذكرها ظهور المسرجات

لياوقفنا للظروف اجلس مكانك ياصبي

ودك تسوي معضله لاكن جتك المعضلات

والاغبياء دايم يشوفون الذكي مثل الغبي
علي بن خشمان
يامقلدين البل لوالاسماء بغير مزاينات

الصيد مرمي بندقي والخير يملا مزهبي

كثر السهر ياثر علي شوف العيون الساهرات

والمعرفه وهبه من الرحمن ماتسبا سبي