علي بن خشمان وجمال الروقي

محاورة الشاعر جمال الروقي والشاعر علي بن خشمان روم المحاورات
جمال الروقي

ســـــلام الله ســـــلامٍ تـــوديــه الــمـنـاديـب

عـلى الشعب الكويتي من الشعب السعودي

عـسى مـايزعل الـضيف فـي بيت المعازيب

بــعــدجــابـوه بــيـن الـحـظـارم والــزيـودي
علي بن خشمان

هـــلا يـامـرحـبا بـالـظـفر والــعـز والـطـيـب

وهـــم جـيـرانـنا قــبـل تـرسـيـم الـحـدودي

يـاوجه الـخير وش قـرب الـشكات والـريب

مـايدخل فـي عـرين الاسـد غـير الاسـودي
جمال الروقي

كـبار الـروس جـاء للعصى فيهم مضاريب

بــذيـك الـرحـلـه الـلـي عـسـاها مـاتـعودي

اخـذتـو مـن جـبال الـمدينه شـعرة الـذيب

واعـطـيـتو نـــص مـنـهـا لــشـارون الـيـهودي
علي بن خشمان

تــقـادح والـسـبب مــن مـلـحقة الـمـشاهيب

مـجـمعة الـحطب تـجمعه مـن كـل عـودي

لـيـا مـنـا كـسـبنا كـسـبنا شـمـخ الـنـيب

تـعـين شـعـرة الـذيـب فـي صـحراء الـنفودي
جمال الروقي

كـبير الـعقل مـن يـستفيد مـن الـتجاريب

وانــا اعـرف بـيض الايـام تـنقص مـاتزودي

يـالـيتك تـعـترف والـحـقيقه مـابـها عـيب

مــتـى جـيـتـو لـهـداج مــن ضـمـن الــورودي
علي بن خشمان

كـبـير الـحـظ مـافيه شـي امـن الـعذاريب

لـــو انـــه حـــزة الــجـود يـبـخـل مـايـجـودي

ثلاث سنين تمشي تحت حكم المشاعيب

تــسـوق الــمـال وحــصـان وبـعـير وقـعـودي

علي بن خشمان وسحاب

محاورة الشاعر الموج والشاعر سحاب روم المحاورات
الموج

مـرحبا مـن ضـميرٍ يـنقل الضلع كله

بين ضيقة صحيب وبين قبلة مصلي

يـاقصرانا هـل الـضفه يـاشين الـجبله

راحـت اوقـاتكم عند البعير المفلي
سحاب

دام فـيك الـبقا والناس في دبرة الله

كـان قلبك يشيل علوم وعلوم قلي

هـالـسنه خـير كـلٍ قـانعٍ فـي مـحله

فـيـه مــال مـحـفوظ وفـيـه مـالٍ مـولي
الموج

خـبـرتك فـالـرموز وكـل لـغز تـحله

وانـت راع الـشداد وفـالمكان الاجـلي

امـسـحو دمـعـكم مـع بـاديات الاهـله

واسـمرو لـين يـقفي كـل نـجمٍ مطلي
سحاب

كـل ما اقدح شرار الزند داويت عله

مـير لاوصـلت الذروه عسى منت باللي

وانـت دمـعتك مـثل الـمزنه المستهله

فـــي بـعـيـرٍ مـعـقـل والـشـداد مـتـدلي
الموج

مـاعليكم مـدام الـشاي كـادي وفله

والـوكـيل الـمـورد مــن ضـنـا بـامجلي

هب ياللي يجيك العلم من قبل حله

كـبر غـلك وانـا فـالقوم بردت غلي
سحاب

كـل واحـد يـغز الـعود ويـقيس ظـله

مـعك مـن حـزمة الـعيدان دقٍ وجـلي

انـت مـاتذبح الا بـسيفك اللي تسله

يوم تشرب هواك من الكبر والتعلي

سعيد بن غراب والجواهرجي

محاورة الشاعر سعيد ابن غراب والشاعر الجواهرجي
سعيد ابن غراب

الجوهره عند الجواهرجي ورى القفل الكبير

وان راده الله خــزنـتـه يـقـعـد عــلـى بـيـبـانها

حـلمت بـامواج الـبحر تـمشي مـع وادي عـسير

حـتى الـعبيد مـن الـطغى تـزمر عـلى عـمانها
الجواهرجي

تـبا الـحقيقه يـاسعيد غـراب بـالوقت الاخـير

عـشـرين بـالـميه مـن الـلي يـدركون اثـمانها

تــرده الـضـلعان ويـعـود عـلـى الـضـلع الـقصير

ومـــا الـعـبيد الـطـاغيه يـوطـا عـلـى لـحـيانها
سعيد ابن غراب

الـصـادق الـمهدي لـو يـطوق بـخرطوم الـبشير

تـذعـن هــل الـسـودان ويـسيطر عـلى سـودانها

شـرور بـقعاء مـاتوافق مـعك يـاسلك الحرير

شـف ملمس الحيه وحط ايداك عند السانها
الجواهرجي

الـصادق الـمهدي طواه الخوف بالوقت الخطير

مـاهـو بـيم الـحكم والـفتنه رقـص شـيطانها

شـــرور بـقـعـاء مـالـهـا مـعـنا مـنـير ولا مـطـير

والـحـيـه الـرقـطـا يــمـوت الـسـم فــي نـيـبانها
سعيد ابن غراب

ان قـدمـوك لــراس حـربـه لاتـلـفت لـلـظهير

احـدى عـشر لاعـب تـساعد روسـها كـرعانها

يـطلع بـراد الـماء بـليل الـشبط يـشبه زمهرير

عـلـيك فـبـيوت يـجـيها الـضـيف مـن نـيرانها
الجواهرجي

لاواحـلـيلك يـاسعيد الـلي تـعلم لـك خـبير

والـــروس سـلـمـلي عـلـيـها لا رتــخـت ذرعـانـهـا

يـاطير شـلوى عـاقت الجنحان صفقات العبير

لا تـلـتـفت يـــم الـطـيـور الـراهـيـه جـنـحانهـا

علي بن خشمان ومحيذيف

مرحبا من ضميرن غير كل الضمايرمادخلبه سواد ولايشيل الضغينه

يالمحيذيف وش سويت عند العشاير

لاتقول البحر عيا يشيل السفينه

 الموج

البقا والضمير الحي ماهوب باير 

عند من يقطنون الباديه والمدينه

انت ياللي على الغره تسوق البشاير

ماانت لاقي على صاحبك شي” يدينه

محيذيف

راح مليون مسلم في حدود الجزاير

مابقا عقبهم ياكود ذكرا حزينه

مايشيل السلاح ولايشيل الذخاير

يحسبنه يكفي طبعتن في جبينه

الموج

لا تضيم ليا دارت عليك الدواير

يمكن الناس مايقلون يالله تعينه

ارفع الهيلوكبتر لاتنوش العماير 

السما متسع ماحيل بينك وبينه

محيذيف

ادري انك نهار الهوش منته بثاير

من شمت في رفيقه كيف تدسم يمينه

طارت الطايره والشر فالعين طاير

ماتوقع يالين اشفي جروح دفينه

الموج

انت مولود شهر ابريل ولا يناير. 

المقر الاساسي كلكم نازلينه

ماتصيب الجبل بندقك ياللي تعاير

مايجيب الهدف خدشن تراعد يدينه

محيذيف

تنفثون العقد والسحر جوف الصراير

والله اللي جمعكم من ثلاثين طينه

ترجي المغفره من قصة ام الكباير

يوم ربي بلاها واستجارت زبينه

الموج

سلط الله على الجهال عمي البصاير

واحدن ينظر العربان بذنيب عينه

ارجي المغفره والعفو مانيب حاير 

وانت لوتحفظ اذكارك غشتك السكينه

محيذيف

علي بن خشمان وسحاب

محاورة الشاعر الموج والشاعر سحاب روم المحاورات
الموج

يــامـرحـبـا تـرحـيـبـةٍ تــرضــي عــزيـزيـن الــجـنـاب

فـــي غــرفـةٍ يــزعـل غـشـيـم الـشـعـر مـــن شـعـارها

اهــــل الــجـزيـره ربــعــو ذالــعــام فـالـربـع الــخـراب

الــلــي دفــــن عــنـتـر وعــبــس تــمـوت دون ديــارهـا
سحاب

دام الــبـقـا والله لايــحـرمـك مــــن شـــوف الــسـراب

والــنــاس مــــن دونـــك وســـدك مـاتـلـد انـظـارهـا

اهـــل الـجـزيـرة عـسـكـر الـبـارود مـدبـاج الـصـعاب

تـاسـم عـصـا الـطرقي ويـكسب قـدر مـن مـقدارها
الموج

شــبـٌه ســـواد الـقـلـب فــي ريـشـة جـنـاحين الـغـراب

ولا الــعــمــامـه ورث قـــــــومٍ مــايــغــيـب اشــعــارهــا

جـاهـد بـنـفسك قـبـل لاتـدفن ورى عـوج الـرقاب

واذخــــر حــلـيـب الـخـلـفـه الــلــي درهــــا لــحـوارهـا
سحاب

صــار الـوهـم مـثـل الـمـرض نــوعٍ مــن انـواع الـعذاب

يـــابــو عــمــامـه جــعـلـهـا تـــفــداك دور غـــارهــا

ان كان عندك علم هات العلم واحسب له حساب

لاتـــقــرب الـــدلــه مـــــن الـــنــار وتـــــزوع بــهـارهـا
الموج

الــيـا ســتـدارت فــي سـمـا وان وقـعـت فــوق الـتـراب

مــاهــي بــمـرمـى بــنــدقك حــتــى تــجـيـب عـيـارهـا

دام ان شـبـابـه حـلـفـو مــربـوط فــي روس الـهـضاب

انـــتــم تـعـزويـتـو لــجــل عــــذراء يــشــق ســتـارهـا
سحاب

يــاسـارقٍ خــزنـة عـفـيـف الله يـاجـعـلك لـلـذهاب

مـــاتــدري ان الـــروقــه يــمــيـن الــبــلـد ويــســارهـا

لاكــسـرت الـهـيـبه مـابـعد الـبـعد غـيـر الاقـتـراب

والــلـي رفـــع قـيـمـة حـــراء نـــور الــرسـول بـغـارهـا
الموج

عــتـيـبـه الــهـيـلا مـايـكـفـيها طــعــام ولا شــــراب

مــافــيـه قـــــاعٍ قـــفــر غـــيــر يــطـيـرون غــبـارهـا

الا عــلــى طــــاري هـــل الـضـفـه وتـبـديـل الـثـيـاب

شــفـت الـوجـيـه الـعـبـس مـاتـفـرح بـفـرحة جـارهـا
سحاب

مـاهـو مـهـم شـكـثر تـقرا كـثر فـهمك لـلكتاب

خــلـك مـخـيـر واخــذ مــن طـيـب الـعـلوم خـيـارها

فـــي طــقـة الـــراس الـكـبـير الله لايـجـبر مـصـاب

مـــن يــضـرب الـــروس الـكـبيره لايـحـسب صـغـارها

علي بن خشمان وعساف

محاورة الشاعر الموج والشاعر عساف روم المحاورات
الموج

آل مــــره مـــع الـعـتـبان حــلـفٍ جــديـد

والله الــعـالـم انــهـم فـالـزمـان اخــشـرى

تـعـرفـون الـتـجـاره بـــس ويــن الـرصـيد

يــاهـل الـــزور والـتـفـتيش فـــأم الـقـرى
عساف

راح عــن صـيـحة الاحــلاف وقـتٍ بـعيد

وآل مـــره لــكـم حـلـف وحـصـون وذرى

ارثـعـو فــي حـرم مـكه عـيال الـصعيد

كــل واحــد يـبي يـظفر بـقطعة ثـرى
الموج

تـحـسـبون الـجـواري مــن بـنـات الـعـبيد

كــم سـبـيه وهـي شـيخه وبـنت اومـرى

ريشتك فوق راسك يابن عبد الحميد

مـابـقـا الا تـشـرف فــوق طـلـعة كــرى
عساف

تــحـسـبـون الــبـهـايـم ثـــــروةٍ مـاتـبـيـد

لــيـن ذيـــب الـسـرايـا فـــي ثـنـاها ســرى

كـيـف تـنبت شـعرة مـعاويه فـي يـزيد

يـــا رعــايـا قــريـش انــتـم مـــرد الـبـرى
الموج

راحـو ثـنين حـنشل حـول هضبة قديد

واسـتـبـاحو حـــرام الـمـسك والـعـنبرى

كــم شـقـيٍ تـسـلسل مـن سـلالة سـعيد

لاتــــــذم الـــزمـــان وتــلــتـفـت لـــلــورى
عساف

الـحـناشل ثـنـين اخــوان مــن رضـع ديـد

يـذبـحون الــك شـاه ويـنحرون اعـشرى

لـو تـعد الـضحايا فـي ضـحى كل عيد

مــارضــى بـالـمـذلـه مـــن بــهـا مــاضـرى

علي بن خشمان وجاهز

محاورة الشاعر جاهز والشاعر الموج روم المحاورات
جاهز

يالموج ربي عطاك الشوف تقصيه

والــرعـد تـوحـيـه والــبـارق تـشـوفه

مـاعـاد فـالـسوق مـايطمع بـه الـبيه

صـــار بـحـسـاباته الـجـيـه كـلـوفه
الموج

يــاحـي لــيـلٍ ســـرى لـلـبدو سـاريـه

مـــــن واحـــــدٍ مـاتـمـنـن بـمـعـروفـه

ســوق ابـن قـاسم تـرا مـحدٍ يـدانيه

لــو جــاه مـن نـيته يـكرم ضـيوفه
جاهز

اشــريـم يـــومٍ تـرهـى فــي عـلابـيه

نـفـخه عـلـى الـنـار مـاعـبر ظـروفه

لاتـنـتـخـي بــــه عــلـى زادٍ تـسـويـه

عـــز الله إنـــك تـــدور لـلـحـسوفه
الموج

اشـريـم مــن خـلقتي مـاحب طـاريه

ايـعـوضـني فــيـه عـشـرين مـعـسوفه

مـاتـقـبـل الــرجــل يــالــولا مـبـاديـه

مــن عـاش فـالوقت مـايامن صـدوفه
جاهز

مـن غـش ابـن عـمه يـغشه بـناخيه

فــعـل الـنـقيصه لـفـاعلها امـخـلوفه

وقـــــتٍ تـــلــون ولا بـــيــن مــواريــه

إن شـفت لـه كـتب مـاتقرا حـروفه
الموج

الـجـزل مــن صـوبـنا وانـتم حـراويه

والـنـاقـصه عـنـد الانــذال مـعـروفه

والــقـوس مـايـنـعطا يـاكـود بـاريـه

والــلـي غــدا فـالـزمن جـعـله ذلـوفـه

علي بن خشمان ودهام

محاورة الشاعر الموج والشاعر دهام روم المحاورات
الموج

سـلام تـسليم كـبر طـويق بـين الـجبال

والـطـيب فــي مـقـدمه والـخـير فـنهـايته

يـالـقدس سـتين عـام تـعيش فـالاحتلال

هـــذي فــعـول الــعـرب وعـلـومـهـم بـايـته
دهام

يــا مـرحبا فـيك تـرحيبٍ سـوات الـهلال

لا هــل تـعـرف شـهـرك وتـعرف بـدايته

يـا خـايف امـن الـيهودي لا تـطالع شمال

هـوايـتـه ســفـك دمــك هــذي هـوايـته
الموج

تبكي صحابة محمد عقب ما اذن بلال

ومــعــاويـه كــلـهــم يــرضــون بــولايـتـه

ركـايـب عـقـيل تـجـهز لـلـحمول الـثقال

والـلـي يـجـيب الـبـضاعه مـاعـرف غـايته
دهام

شـيعة عـلي يـحسبون الـبنت مثل العيال

الــكـل مـنـهـم دمــوعـه تـسـبـق قـرايـته

يـاللي تـحذف الحموله في ظهـور الجمال

الاجـــرب امـــن الـجـمـال يـعـرف طـلايـته
الموج

انــا عـلـى سـلـم ربـعي يـاكريم الـسبال

واخـشع عـلى ذكـر ربـي واسـتمع لايـته

الله فـكـك ومــن سـبـة عـيـال الـحلال

مـن قـدرة الله حـفظك الـيوم برعايته
دهام

الـبـرق حـتـى ولــو شـفـناه وسـط الـخيال

مــخـايـل الـصـيـف دايـــم فـايـتـه فـايـته

يـالـلي تـخـطب الـجليله والـهقاوي جـلال

اكـليب حـتى الـحمـام يـعيش بـحمايته
الموج

مـن يمشي الـطرقه الصعبه دروبه طوال

اقــــل حــاجــه يـعـلـم وشــهـي وصـايـتـه

مـاتـفـرق الا الـعـزاوي فــي نـهـار الـقـتال

ودهـــام لامـــن حــضـر مـاتـرتـفع رايـتـه
دهام

الـموج عـنده قـلم مـرسم ويكتب مقال

يــحـط قـــرن الـوضـيـحـي وســط بـرايـته

مــن دقـلنا دم راع الـسيف بـالسيف سـال

يــــوم ان راع الـكـويـت يـــدور الـهـايـته