شجاع الواصلي وعلي بن خشمان

يامرحبا ردتن تكفي كبار البخوت/
نسلم بمشروه قومن زايدن شرها /
يالهارف اللي تبدل في جديد البشوت/
النار بين سناها وانته تكرها / الموج

دام البقا يارجالن فعلها مايموت/
مثل الحيا يحيي الريضان لامرها/
انته صحيبي وانا وياك صوره وصوت/
من غاص غبة بحرها جاب من درها/الهارف

خابر كلامك يكفي دون مشرب وقوت/ ضيوفك ان شكرت ماتلزم بغرها/
من عين الدانه اللي بايته بطن حوت/
حتا نبر العبادل وانته تبرها// الموج

الاوله طافتك والثانيه لا تفوت/
ترا المحاتا يضر الكبد ويحرها/
الغيص جوف البحر والسيب بالجالبوت/
والاد عباد ابشرها بماسرها/الهارف

عينه تطالع شمووخ العز واحفا السبوت/ واليوم حتا ثيابه عود يطرها/
لوينطق السيف يشهد في مشد البيوت/ والسيف فعله يسر الناس ويضرها// الموج

ان كان ضاق البناخي نلبسه باركوت
وتضفي على صدره الدقله ليازرها/
السيف راح بزمانه مع زمان السحوت
اليوم يدعس على زرين ويفرها// الهارف

الموتر اللي تعطل بعد صرف الزيوت/
الراس مشعور ولا العلبه يهرها/
ازبن علي عيال وايل وانص بيت محروت/ يمكن تحصل حلا دنياك عن مرها/ الموج

الحوثي اللي دخل صنعاء وصل حضرموت/والناس تزهم على هادي ولاسرها/الهارف

هداف الهاجري والعبيدي

التاريخ

ياسلام الله عليكم عد ذعذاع النسايم
ياشواعيرٍ تغني كل يوم وكل وليله
مايصد من المهمه غير مقصور العزايم
من يشيل الخرج ويروح ترا الطرقه طويله

العبيدي
مرحبا في مرحبا يابورجا والحظ قايم
مرحبا والله يبارك فيك ياشيخ القبيله
انت لو تغيب ياهداف جبت النا غنايم
وابن عمك يجذبه براق في عرض المخيله

التاريخ
تبتسم من غيض والا من رضا ياابا العمايم
ماذبح راعي الصميل الا ظنونه في صميله
الحقيقه في ضميرك توقضك لا صرت نايم
روح المرسدس غير ارتاح ياراع التريله

العبيدي
مايدوم الادمي ولا الله المعبود دايم
وانت يادكتور لاتزود لنا الحما مليله
انت ياقصر الضيافه كبروا فيك الولايم
لجل ناقه زان فعل كليب لعيون الجليه

التاريخ
ادري انك ماانت دايم والسما ماهوب غايم
يرحم الله شايبك وامك لها الجنه ضليله
القصر لاهل الأدب والحكم ماهو للبهايم
ميزة التمييز لاصحاب الفتاوي والفضيله

العبيدي
انت لاتكسر جناح الطير دام الطير حايم
وانت مسلم واليهودي ياعسا ربي يشيله
الشريف حسين حكمه ينعرف قبل الحكايم
ياجميله شايب الرحمن خرف ياجميله

طآروق علي بن خشمان والعبيدي

هلايامرحبا ياحسين يانسل الشريف حسين/ قبل لاينكب اهل القدس والمصري ورا سينا/ تحسب السور نازل واثره اطول من جدار الصين/ بنشبر لحيتك شبر المشايخ والسلاطينا / الموج

انا اقول البقا ياربعنا الي تنزعون الدين / تراني بنيابه قمت لاغنيت غنينا / جمال هذيل نعرف وسمها رقمه بلا قوسين / علامك يابن عمي ناسين وسم البعارينا / العبيدي

تصدق من حلالك للفقارا لو في قرشين/ عساها تدفع اهل الشر من دون القحاطينا/جمال هذيل عند هذيل وانته جار ابوعينين/ علي بحر الخليج سياحتك والسفن فالمينا// الموج

انا اشوفك بعيني وانت تنظرني بنص العين / ولكن لو تبرك ياجمل جبنا السكاكينا/تحذفنا قرودن فالجبل واصحابنا سالين / وحنا مارضينا والهواجر ليه راضينا// العبيدي

لاتقصر مدتك عن واجبك تلقا المقام الزين/ترا افضل مالقينا فالحجاز الخوخ والتينا /تجي في جلد غيري يالعبيدي كنها فالطين/ انا وش عاد اسوي فالبعير ابوسنامينا// الموج

يميني مدها يشبع بها ذيب امعط وشاهين / وحذفتها ماتاقع غير في روس الشياطينا//انا افخربك مثل مايفخر العجمي لبن حثلين / وانا ماني خلي لاثورت عج الميادينا/ العبيدي

الساحل الغربي وعلي بن خشمان

مرحبا يالشاعر اللي قالو انه من عتيبه/ قلت جعله يمسك الرايه بعد موت الزلامي- تقفي الدنيا بهلها كل عام وبه مصيبه/ والسيوف تقص من روس الذيابه والنعامي// الموج

البقا ب الشاعر الي قالو انه ينغزيبه. ودي اكحل عيونه لين يسهر ما ينامي/هاذي الدنيا تفرق في صحيبن عن صحيبه. ي عسا ربي يجنبنا الضلايم والحرامي// الساحل

الثمد يصلح لكحل العين مافيها غريبه/ والمكااسب من يميني والفشق يملا حزامي/تمشط اللحيه ودربك بين اهل مكه وطيبه/ وانت ماتقرا كتاب الله ولاتلبس حرامي// الموج

انته اوليدن صغير كيف تطمعلك بشيبه. خذ نصيحه لا يحوشك ميسمن ف النار حامي/امشط اللحيه والا حدن شافله شكه وريبه.واتعوذ من بليس اليا حداني للا ثامي/ الساحل

كيف ب امن جمعكم لوكان يحضر عقب غيبه/ شركم في ساحة الكعبه وبيبان السلامي//كل وادي قد وطاه السيل تضرب في شعيبه/ جالي ن عن ربعك الهيلا يجي خمسين عامي//الموج

خلها تصلاكم الرمضا ونيرانن لهيبه.مانفعكم ي عيال العود مجهود النضامي//الله اكبر لا تسويها ع المسلم غريبه. ونت قدامه تهبد ما يخوفك الضلامي// الساحل

ليت ربي فكنا في بعض حراس الكتيبه/مانشوف وجيهم ياكود مع سجع الحمامي.//البن ادم لويحاول مايحوش الا نصيبه/ وانت ماتلقا نصيبك غير فاليوم الختامي// الموج

انت مثل الي يشيل السحر في كمه وجيبه. رافعن خشمك وخشمك ما ضهر فيه العرامي/لا تشيل البندق الي ما تصيب ابهاالضريبه /ثم نشيل اسمك والا نكتبك من ضمن الاسامي// الساحل الغربي

..

الا بالله لحضه لو سمحتوا يالنشاما دور|| محاورة شعرية بين الشاعر احساس شاعر
والشاعر العبيدي

احساس شاعر
الا بالله لحضه لو سمحتوا يالنشاما دور
نبا شاعر عبيده والعرب تدعا بساميها
اعرف ان الليال السود تشبه للعيون العور
وحذرا لا تبث الكحل فعيونه وتعميها

العبيدي
بني هاجر تبا الجنه لجل تنظر بنات الحور
حركات الهواجر ياجماعه ماتخليها
تقوله والقدر قد باح بالخافي مع المستور
لكن خل العمي والعور قلي ويش تاليها

احساس شاعر
الك نيه ولي نيه وعرفك ما تحب السور
وهذي في زمان العولمه ياوش تسميها
سفينة نوح ماتقرب علي الشاطي بسبع بحور
وانا في ذمتي ما شفتها والناس تخطيها

العبيدي
زمان العولمه ماهو زمان الجعفر المنصور
ترا النيه سليمه والبنادق في مخابيها
سفينت نوج غرقت وسبايب فعلها المذكور
لعلك ياعميلي فالسفينه ماتخاويها

احساس شاعر
عسا بيت المعزه يالعبيدي دايمن معمور
وهذي عادت الاجواد فالطرقه تلاقيها
عسا بال النشاما لنشاما دايمن مسرور
وهذي في عيون الناس تكفيني وغنيها

العبيدي
يدوم العز لهل العز لو بعض القدور اتفور
وهذي جمرتن تاكل وتحرق رجل واطيها
طيور اتروح وتهاجر علي دور السنه وطيور
اعشيها الشحم وانته طيورك وش تعشيها

علي بن خشمان والعبيدي

اليل يامطول اليل / والعب عند ابن خشمان / بنت الهوا يوسفيه / تبغا الذهب والقلاده / باقي عليك التفاصيل / كل الرسايل بعنوان / شاعر وعندك حميه / وشعيل تعرف شداده / العبيدي

ليل الشقا والغرابيل / عناك في بعض الالحان/ لاتحسب النرجسيه بنت الفخر والسياده /تجمع قليل المحاصيل/ والخصم مايقضي الشان/ انتم هل الجاهليه / ماتنطقون الشهاده// الموج

مانجهل النجم ابوذيل / وسهيل يعرف ليا بان / مالك ومال البنيه / يامدورين القراده /السيف والجيش والخيل / راحت لذيب ابن هدلان / الموج فالسالميه / محدن طمع في بلاده / العبيدي

عيني علي الجدي وسهيل/ وانته تحت حكم سلمان/ عيشي يانجد العذيه/ في ضل حكم وقياده/اللي قطع وادي الويل / يخبر عبيده ب ماكان/ ياذيب مدري سميه/ مافيك صبر وجلاده// الموج

فنجال بين الفناجيل / صبه من ادلال رسلان / صبه من الشاذليه / لاعاد تخلط قناده/الكبر حولك فالسيل / والفضل لشيوخ قحطان / وذيب عدا وخيه / مير الكبر فيك عاده // العبيدي

لاشفت بيض المناديل/ ذكرت نكبة حزيران/النكبه العالميه/ مبدا حروب الاباده//لقمان ماهو ف الانجيل/ وانت النبي ياسليمان/ من قال هذي خطيه/ ماعاد ينفع جهاده// الموج

عبدالهادي الغفراني وعلي بن خشمان

حي الله المري اللي له شهر غايب عن الروم/ واليارجع جاب معه اللعب وانواع القوافي/ له شرهتن عندنا يدريبها عتبان وبقوم/ هديتن غاليه ماتعرض الا للسنافي/ الموج

دام البقا والقصر خالي من العالم ومهدوم / والعلم عندك يا قحطاني ترا ماهوب خافي/ما تجهلون الغياب اللي عليه علوم وعلوم
يوم الدعاوي عوافي والعلوم ابها عوافي// الغفراني

مافيه شي ن يصيب الادمي ياكود مقسوم/ بلسك من لباس العز والملبوس ضافي//علم الفلك يحسب السبع بكفك سبعة نجوم/ والثامنه ماتبين لين تلقا الجو صافي// الموج

الا انت يابو مبارك ف الزمن معطى ومحروم
لو كان جيت الديار وقمت تقطع فالفيافي//ما عدّها الا بعد شاف السحابه دونها غيوم
والليل الاسود على نور القمر والنور طافي// الغفراني

برنامج البيت ناجح والسبب كف بن مكتوم/ سند علي اخوك بن كروز يعطي كل حافي//جور الزمن يطرح الهامات ويحدك علي اللوم/ في عين غيرك ربيع ومعك بالسبع العجافي// الموج

الشجره اللي نعيش بظلها و طيورها تحوم
ما عاش في ظلها ابن حميد تركي وابن شافي//إن كانها تختلف يصحابنا في ليله ويوم
الخافي اعظم لو ان اللي حصل ماهوب خافي// الغفراني

اثر محلفنا بعد عهد التحالف عودو قوم/ ليت التحالف معا الاعداء ماتدفنه السوافي/ الموج

علي بن خشمان وعلي الحبابي

وش نقول بحفوة الشعارر غير الطيب كله/ فالبدايه مرحبابك في محلك يالحبابي/ الحناشل تتبعك دوور علي سيفن تسله/ الوجيه القشر ماترتاب من حدب الجنابي .. الموج

انت وافي باالقدوع الزين وبهارن ودله=البقا ياربعنا يااهل القنا وهل الحرابي/لاتوصيني ونا الي لاعقدت الحبل حله=بعدها يمكن تمييز في السوال امن الجوابي// العملاق

ماتخوفنا ولوشفناك في غلاف المجله/ الجنوبي ماتحول خنذفي ولاشبابي//زينوها بالاشده واحذفو عنها الاجله/العشاروضن خضر والشرب من غر السحابي// الموج

اذكر الله وانت تمشي من تحت نور الاهله=والرقاب العوج هذا خلقها عوج الرقابي//المكان الزين والروض الخضر مااحدن يمله=بس كيف اقول لامن القمر دلبح وغابي// العملاق

تارد الماء وانت خلف الطرش حلقك ماتبله/ تحسبن الكبد تروا من ضحاضيح السرابي/ياكبر عينك ويعميها الصغير امن الاخله/ وانت في عيني كبير ومن عزيزين الجنابي/ الموج

الحبابي ياطويل العمر مايدخله ذله=ون نوا بمداحم الفريس يقدم مايهابي//عندنا مفتاح يفتح خزنتك والدمع هله=وانتبه من باقي الغارات يامال الذهابي// العملاق

طاروق العبيدي والموج

ياسلام الله سلام المنسجن بعد انفراجه / له ثلاث سنين في زنزانته ظلم وغبينه /ياوجيه الجنب مانرجي من العربان حاجه / علموا منهو يزعلنا على ظهر السفينه / العبيدي

مرحبا ترحيبتن عدله ولافيها عواجه/ للضيوف اللي تحج البيت وتزور المدينه / ليه يوم تحط بعض الناس في عنق الزجاجه/شرهتك من كبرها تمسي وراضلعي زبينه// الموج

البقابك والعبيدي صاحبك يضحك حجاجه / للعدا سمن ذحاح ولربع عز وسكينه //انته الي تفرض المسلم على دين الخواجه / ليه ماوقفت يارجال من بيني وبينه// العبيدي

ابن قاسم خاشروه اهل التجاره في حراجه/ من كبر قهر الزمن قلبه يشيل امن الضغينه/العرب متفرقين وكل واحد له مزاجه/فالثمان والاربعين القدس يالمشرق حزينه// الموج

قمت تسقيهم قراح المي وتصفي هماجه / صاحبك ستر وغطا ومكبرك في شوف عينه //العبيدي مايضيع صيدته داخل عجاجه / عزتي للقدس كل الناس صاروا طامعينه/ العبيدي

كل سلعه تنجلب للسوق يلزمها رواجه/اول اللي روجو للحظ شيخن من جهينه/من تذمر من سوالف ربعنا زاد احتجاجه/ لوبحثنا علته بنشوف شره من قرينه// الموج//

العبيدب والموج

انت يالموج مثل الجامعه للخلايق / كل واحد يبا منك شهاده وسامي / صوتك اللي يذكرني بصوت ابن شايق / ولعبك اللي يذكرني رشيد الزلامي / العبيدي

العبيدي مدحني مدح ماهو بلايق/ماني بقايل انها رميتن دون رامي/ علم اللي معا الضلعان دايم يوايق/ لايعرض تجيله طلقتن من حزامي/ الموج

انت ضايق ولادري ليه يوم انت ضايق / مامدحنا يكود الي يرد الجهامي / كل ليله يمرك في ديارك طرايق / لاتضيع بعيرك وانت وسط الزحامي / العبيدي

انت منت بسروق وتالي الوقت بايق/غير ماتقدر لسرقة فروخ التعامي/الصياعر تفرد بالمتر فالطوايق/ نشتريلك كفن بقياس مترين خامي/ الموج

الحقيقه ترانا مانبا الا الحقايق / مايعرف الحرامي غير مثله حرامي/ليش ماتكتب الا الهاجري فالبطايق / الله اكبر تناسيتوا كبار الاسامي //العبيدي

لونحملك حمل هديب قادر وطايق/ وانت لهل الحسا وهديب فالشام شامي //هجرتي للسعه دون الصدور الغلايق/ماتبريت من جدي لوانه تهامي// الموج//