محمد بن مطلق المسارير وعلي بن خشمان

يامرحبا والضيف لاحصل معازيبً قروم //اما رحمه الله ماحصل له رفيقً يرحمه // يالشاعر الي كل ماجانا يباشر بالعلوم// الي يبي يقدم مع الشعار يكرب محزمه //علي بن خشمان

دام البقا وانتم معازيب النشاما كل يوم // الطيبين افعالهم تعرف بدون مقدمه // ماعندنا غير العلوم الي مثل فرك الخشوم // اجمالنا بوسوم واجمالك ماهي بموسمه // محمد بن مطلق

دقنك غراه الشيب من كثر المشاكل والهموم // عينك على راس الجبل والا الذهب في منجمه // تمشي على الساحل وتدري بالشلاوى والبقوم // غير القعود الي تشوفه كل يومن درهمه // علي بن خشمان

الله عطانا وانت يارجال منته بمحروم // ولا علينا مشكله من فضل ربي وكرمه // حنا على المله وحامينا العوايد والسلوم // وانته مثل داعش مسوي لك وطن ومنظمه // محمد بن مطلق

لا والله الا روحو ربع الرخا عدوان قوم // اطيبهم الي وده الكفه تميل لسهمه // حراج ابن قاسم جعله الله تجره للرخوم // كل المباحث يدرجونه والفلوس مرقمه // علي بن خشمان

الي يثور فالخبا مايلحقه شرها ولوم //وانتم وحنا ماخذين امن الدروع والاوسمه // محمد بن مطلق

العبيدي وعلي بن خشمان

يامرحبا كلبوكم في محل قحطان / ترحيبتن وافيه والخير قدامها/الهاجري حط لك بين الجماعه مكان / والبندق الي معه مايجهل احزامها// العبيدي

دام البقا ردتن جهزتها من زمان/ من قبل ل ام الكباير تعلن اسلامها/في كل ليله تصرح مثل كوفي عنان/ تداعب نفوس قومن تسكن خيامها// الموج

ياوالله الي لقينها عاينن بيان / بطون كل الشرايح تحفظ ارقامها / كبر صحون الوليمه يالكريم المعان / وهل الفقر مالها الا عظت ابهامها// العبيدي

لياصفا القلب لاتزعل ل نطق اللسان/ الناس تلقا الجنان بوصلة ارحامها//الذيب مايشرب الا دم حيل ن سمان/ لوكان يترك لحمها يكسي عضامها// الموج

ان كان تبغا الحقيقه يالله المستعان / بغداد ماتت بعد مامات صدامها / احيان اشوفك تثنا كنك الخيزران / وحيان تفرك خشومن طايل اعرامها / العبيدي

في كل دوله تحصل لك رجال وكيان/ بغداد شوف النشاما ترفع اعلامها/الاوله خلها للي تحب الحنان/ والثانيه فالاماره تختم اختامها// الموج

دستور بعض الدول يزعل نظام الخوان / يلي تحسب ليالي مصر وايامها/ انا اعرفك فارس وخيال فوق الحصان / من عزوة مضيم محدن فالقا ضامها / العبيدي

من تحت شد المطيه لوتمس البطان/ هذي ذلول البدو ونعرف درهامها/لوكان ابوبكر يعزف عود ولاكمان/ اهل اليمن تستمع من حقق احلامها// الموج

علي بن خشمان .. هداف الهاجري .. العبيدي .. ساري

انا ماعليه لوقضي الليل / اسريه وقطع نهاره/التاريخ

ياهاجد ياليت ان عندنا هيل/ نصبه علي شان الزياره/ الموج

انا رجل وخاوي رياجيل / لاتسحب بشوتك فالوزاره/ العبيدي

عوضها عوضها فالمقابيل // لون الحلا خالط مراره/ ساري

عسا السيل يتبع جرة السيل // وتلعب لحونك في خضاره/ التاريخ

اهل مصر تومي بالمناديل/ علي الكوكب اللي في مداره// الموج

جناحك ماهوب اجناح جبريل / ونورك ماتحجبه الستاره / العبيدي

لهالحين ما جات التفاصيل // ترئ النار تلع من شراره// ساري

غبا الجدي ياللي تسبر سهيل // لاتحلم تسويلك عماره// التاريخ

عليكم دعاوي ياهل الخيل/ تعدووكم اللي فالصداره… الموج

يابوزيد ماتحتاج تحليل / ترا صورتك في كل حاره // العبيدي

ي جيلً مضئ مابعدكم جيل // وموج البحر فيه أستداره// ساري//

طاروق بين عتب والموج

ياجماعه تواعدني الليالي/في تباشيرها ولا قشرها/ ياعتب لوتتوه بربع خالي/ مت في بطنها ولاظهرها — الموج

لو تقص الحبال من المحالي / المقادير ما لدت نظرها
القدر يا علي مرن و حالي /دار في يومها والا شهرها -: عتب

طرفوها تراها لي لحالي/ ماتبيكم لوتقصون ثرها
دورو بنت ابوزيد الهلالي/ مالقو غير ثوبن قد سترها_~ الموج

الذهيبه همل يا هملالي / والديار امحلت واقفا شجرها
لو يميل الشنب و الا العقالي / ام عامر تبى تذبح عمرها~> عتب

لوتعديت للقطب الشمالي/ شفت من يعجبك مفرق نحرها
يدك فيها الذهب ولا انت غالي/ صاحبك كل عثراتك طمرها~> الموج

وين ابلقا كريمين السبالي / انشد الناس عن تالي ديرها:- عتب

علي بن خشمان وعتب

يوجر السيد بعفوه عن المملوك/ افرحو مثل فرحة عبد بعتاقه/اخر الوقت صار المدح فيه شكوك/ يمدح الرجل عقب الطير والناقه/ الموج

يحذر الموج بحارن على السنبوك / لو لولو البحر ما ما نبغي فراقه/توخذ المدح قد الي معك فالبوك / ما لنا في ريا بعض البشر طاقه/ عتب

ام عامر لقينا بابها مصكوك/ ماهي بكفو حتا تعشق اعشاقه/دونها ابليس معه مسدس مفلوك/ لايغرك لوانه يرسل اشواقه/ الموج

ما طمعنا بخدن به حميس و شوك / لو نعس الثرى ما نسرق سراقه/انت تشري العرب مير العرب باعوك / طيعني واحرف الناقه عن الناقه/ عتب

روض تاتيه ليله ماهو بمبروك/ ينتهي عام محدن شاف برااقه//الركايب ثلاثه فالمراح برووك/ راح من عينك اللي يقطع الساقه//الموج

علم الي لهم فالعقد خمس صكوك / يلحقون السراب ولاحدن ذاقه/لا يغرك زمانن شاخ فيه علوك / لو عينه لقطع الرزق تواقه// عتب

ياهل الشرق الادنى مالقيت ملوك/كلكم عند سيف البحر حدااقه/مفتي الدار قال ان دمكم مسفوك/ لاتحروون منا ورد في باقه// الموج

اهل الشرق من دون العرب راعوك / وانت ايدك لنقض العهد سباقه

العبيدي وعلي بن خشمان

دام قلب الادمي من ورا حدب الضلوع /العرب وش خانت اضلوعها وقلوبها / ياعلي خشمان لاجبتها من كل نوع / لبسوها حسب تفصالها من ثوبها / العبيدي

لوتروح الاوله معك ياشين الطبوع/ حالفن بالثانيه ماتضيع دروبها / من سبقنا ليلة السبت يلحق فالربوع/ الركايب بان ضرب العصي ف جنوبها / الموج

انت لاتنوي على الفايته عكس ورجوع / خل عينك يم مكه وناظر صوبها / ليلة وسط الكنسيه يولع بشموع / عالمن مايختلط ذنبنا بذنوبها / العبيدي

رحمة الله واسعه بالسجود وبالركوع/ مانحث الرجل ياكود في ماجوبها / الصليب معلقينه وتعبده التبوع/ وانت خلف اللي عيونك علي عرقوبها/ الموج

انت يادرب المهالك لون وسطك فروع / كان قطاع الطرق معك ماراحوبها / كل صعبن لاصملنا يبا يرجع بطوع / قبل تفرح دوله الغرب كيد شعوبها / العبيدي

ماعليكم خوف لو يظهر الذيب القطوع/ كل مامريتو بحرتن غنوبها / من فسق في ديرته بعده بيجيه جوع/ ماتعيش بخير دارن تزيد حروبها / الموج

جاهز وعلي بن خشمان

اللي يجي لك ياعلي بالشعر مدبول اللسان .. ياطيبه إن عيين سلامة قبل يرجع بنعشه @ لكن ياشيطان أبا أنخى لي مشعوذ تركمان .. ينفث على بيض النعام يجيه بيض يفقشه @ جاهز

انت البريمي والبريمي جيب وارد من عمان/ خطه علي جنبه من اللي فالوكاله ينقشه// اعوذ بالله منك ياشيطان مفكوك العنان/ ماباقي الا من يصلي في صلاته تبلشه// الموج

مايصلح القحطاني يولى على مدخل بيان .. يجي نهار يروح ليل الباب أبد ماقرشه @عز الله إني من كرامتكم لي ضلوعن متان .. هذي علامة داخلي والكف بالجدر امحشه @جاهز

من حطك المنصوب وتصدر علي العسكر بيان/ انت بدوي ن لذن المذن سرح صوب ادبشه//عاداتنا وسلومنا فالضيف يكرم مايهان/ حتا لوانه من بخل يمناه عضمه يعرشه// الموج

أبا أتحزم فيك وأثرك ياعلي تبغى ليان ..لكن أبا أصبر لويجي بالقلب ضيق وخترشة @ لاتحسب إن البطن طاوي وأنت ابن هادي ضمان .. تعطي وتشبع ماتعاين في عظام العرمشة @ جاهز

لاتحتزم بي لين اشوف السرج من فوق الحصان/ ولياتخاوينا سوى حذرا يجيك فيك ارعشه/العود متعافي ولاهو لابخيل ولاجبان/ حتا لويحصل شعير في رحاته يجرشه// الموج

حمود وجاهز

يامرحبا ياحمود والحبل الموصل لو يطول ..
يبحل به اللي واردن بيره وعجل مياحته @
من بعد بيعك للجمل حراج وحدة والحمول .. السوق من حسايفك ماأنته بتارك ساحته @
جاهز

تبقى ولابه مشكلة ماجالها ياخي حلول ..
والآدمي لوشفت ياجاهز يدور راحته //
الوقت ماهو دايم بصالحك تبلش بالخبول .. لاتنشد الرجال وش خرب خرز مسباحته //
حمود

اللي كتب لك بالقلم فاللوح ماجاء به ميول .. مقسوم لايطري عليك إسعاف من مساحته @ مانيب ناشد وأتشره فيك ياراع الذلول ..
الشيخ جاهز قد وصلك اللوم من سماحته @ جاهز

ماأقول غير الله يقدينا على درب الرسول ..
راع الفلاحة ماحدن أبخص منه عند فلاحته // لاتحسب إني باتسمع وش عبادالله تقول ..
البن ياجاهز تغيير من قشر مفواحته //
حمود

شفت الظما دف البنادم وأدخله جوف الدحول .. وبلادن أخرى ضلعن بكبره سيوله جاحته @ مادام ماأنته من طرف ثورة ولاأنت من الفلول .. انزل تحت يم الصعيد وصير من سواحته @ جاهز

ياجعل زولك ياطويل العمر باقي مايزول ..
اللي حضر ماغاب واللي مات ربعه باحته // تدري وتعرف قد بلشنا فالطلوع وبالنزول ..
والبحر عفته ياعميل الخير من سباحته //
حمود ..

العبيدي وعلي بن خشمان

راح جزاع مقفي والعوض عند عيضه/ لايقول العوض في نجد واللي حكمها/لويعرف النظام ولويصلي فريضه/ اكبر القوم في وقت اللزوم يخدمها// الموج

روح دور لعيضه بين ضلعن وفيضه / العبيدي يفسر من حلومه حلمها/الاسامي تقارب في كروت الحفيضه / تحسبن كل فرصه من بغا يغتنمها/ العبيدي

الوجيه اتباشر غير الانفس مريضه/ لوتعشيهم اللي مردمن من شحمها/راحت منافستكم يوم راحت مغيضه/ قول ل عمير ليه يبيعها ماوسمها// الموج

الحسد مسكنه وسط النفوس البغيضه / قدم الضيفه الي ماكلينا لحمها / الرعد من وراكم يوم جاكم نفيضه / طمعت اعمير ماهي ذود بدو وغنمها / العبيدي

فارق اهل الحسا واقبل لقوم حضيضه/ يوم ربي حرمك امن الذهب ماحرمها/من بغا العز لايقعد شتاه ومقيضه
/ الرياجيل رزت فالزباره علمها// الموج

مملكتنا مضاقت من ديرها العريضه / والكويت الحبيبه لاتشح ابنعمها/
الشحم مايجي يالموج في كل بيضه /
سلم الله رجالن ماتضيع شيمها/ العبيدي

جاهز وعلي بن خشمان

جاهز
لأصبح الصبح تسعى بالورق للدواير
وإن مسى اليوم عينك في رهن كل طابة عيشتك عيشتن قشرى تكود خساير
وإن مضى أسبوع من راتبك سمح جنابه

الموج
ليت جاهز درا باللي تكن الضماير
كان مالمني في لازمن مامشابه
لعنبا الفقر كنه شيفة ام الكباير
كم سنافي غزاه الشيب ب اول شبابه

جاهز
أنت مبلي على ماقيل في كعب داير
طرقي ومكسبه تآكله بقشة زهابه
يدك حرشى ولاتصلح لنقض الضفاير
والغنادير ماتقنع بجرم ورحابة

الموج
تدري اني علي شوفتك اسوق البشاير
وانت منته ب من خنذف ولا في شبابه. وانت ليتك تحزم ليل عند العشاير
يمكن انا نشوفك جاهز للحرابه

جاهز
صادق بشطر وألا الثاني أقول جاير
أمنا خنذف إن كانك تعرف النسابة يوم أبوزيد دمه بالشرايين فاير .. نآخذ القسم في وقت الدحم والطلابة

الموج
ما يوقف يالشايب لياصرت طاير
غير ساهر مثبت من حقوق الرقابه لاتشيل السلاح ولاتعد الذخاير
لين تكرب حزامك ياكبير العصابه

جاهز
كان وقف شعيل يقوم بالضد ذاير
هاجري والمطيري والهواجس تشابه
كان ماأضفت من المولى علينا الستاير
آيتن من كتابه مابعدها نشابة

الموج:
خابر انك نهار الهوش منته ب باير
اثرك اللي ذكر عصر النبي والصحابه
يابلادن يجيه فوق مليون زاير
اخر الوقت مهجوره وصارت خرابه