..

علي بن خشمان الهاجري ؛

يامرحبا ترحيبةً ماتبدي الا للملوك
ولا لشجعان القبايل والعرب وفعولها

حلمت بأن جمال عبدله على الصبخا بروك
ومطير تبكي وتعدي وتصيح للي حولها

بدر فهيد العبدلي ؛

دام البقا من هاجسي وانته مثل جدك وابوك
واقولها والي بخيصً بالرجال يقولها

ليتك رقدت الليل كله كانهم ماعلموك
عن فزعة المطران فوق اركابها وخيولها

علي بن خشمان الهاجري ؛

بين النشاما مايخيب الظن وتثير الشكوك
هذيل قوم تخاطب العالم بقد عقولها

اهل الشمال اخبارها ترسل على موجة تبوك
عطنا علوم اهل الشمال ان حطتك مرسولها

بدر بن فهيد العبدلي ؛

وشلون وصلت السلوك وليه قطعت السلوك
الي تقادح كهربتها واليدين تطولها

كانك خويً للظلام الصبح بالجره لقوك
قدام لاتستاقها بشدادها وحمولها

علي بن خشمان الهاجري ؛

يالوادي المقطوع لو تنبت عشوبك مارعوك
البدو ماتتعب على حاجه ماهي بتنولها

لا تحسبنهم يوم قالوا شاعر ولافضفوك
بتظهر
الجره وتعرف عرضها من طولها

بدر فهيد العبدلي ؛

محداً بلاقي فيضةً خضراء وورد بدون شوك
واليا لقوها واذكروها يكثرون انزولها

حميتك على ولد عمك ولا كان دون اخوك
بعض الرجال اليا بدت بوجيهها مدلولها

علي بن خشمان الهاجري ؛

العام فقري والسنه هذه تعاملك البنوك
وانا احسبنك رايحً فـ يدينها ورجولها

قاع الجزيره لو بغيناها خذيناها صكوك
ورماح نكتبها باسم سبعانها وسهولها

بدر بن فهيد العبدلي ؛

الي لنا من راسها والي لكم منها الوروك
واليا عقدناها على راسك نجيب احلولها

انكان ودك بالفضا يالموج دور لك مكوك
الارض تنبيك بمعالمها وجر سيولها

علي بن خشمان ( الموج ) وزيد العارضي ( الشاهين )

مرحبا ترحيبتن تسوا لها شعب بديره// ديرتن من طيب اهلها ذكرها في كل وادي///دامنا فالسلم سيف العز يبقا في جفيره…. والله يديم الوفا والعز ياراية بلادي/الموووووووج

البقا يالموج لاكن كلمتك هاذي كبيره @ الشعوب حقوقها تحفظ لها والها مبادي @ ويش رايك ندمج الميدان في روم الجزيره @ ندمج الصوتين صوت ويكسبه راع الشدادي @ الشاهين

ماعلمت الغيب والانسان من يفتش ضميره// ليه بيضان الوجيه قلوبهم تغشا سوادي ،،تندمج فالاوله ولاتبادمج الاخيره// عشر من عاشور تكفي كربلا فقرين حادي/ المووج

مالك الا البينه والغيب مالك فيه خيره @ ان نجيتم من رجب والا جمدتم في جمادي @ الفشق في جعبت الطلاب والبرنو قصيره @ لاتعرضها حصات الضلع وتحدرك وادي @ الشاااااهين

شايب يبني امل وابليس قام يدق زيره// والشباب يهز راسه لاسمع نغمة عبادي/مالقينا بشت غير اللي معاشيخ العشيره//والهنوف الها ليالي تلبس ثياب الحدادي//المووووووج

لاتحط البشت حدر ابطك وعندك بشت غيره @ خل عينك للغصون اللي تعشاه الجرادي@ شايفلك مع ظلام الليل الاسود ضوح نيره @ تتبع المداد بالجره وممشاك متحادي @ الشاهين

فيه قصه للصبر تذكر بتاريخ الجزيره/قصتن تطريلنا قصة مفرج والمهادي//الحصان اللي علي الصحصح يبينلك مسيره// ماذخرته غير للهيجا مع ليل الطرادي// …. المووووج

انت ماقصرت صابر مار عينك مستديره @ نوب قايد للصفوف ونوب ماتصلح قيادي @ لو معك منظور ماتاقف على وجه المغيره @ مار قلبك فيه غيب وغل وبراسك عنادي @ الشاهين

علي بن فراج المطيري وعلي بن خشمان الهاجري

هلا يامرحبا ترحيب ياخذ من شعاع النور… ويرجع فوق وجه الارض ويبين معالمها .. هل القبله تذرو في ديرهم والذهب مصرور… ًماكان العز في قومً تعذر في محازمها // الموج. _________________________________. عسا فيك البقا يانورنا الي تطرد الديجور & بعد شفنا مزونن برقها غطا مقادمها .. هل القبلة يجونك ماتجيهم والزمان يدور & يجونك فالمكارم وانت في حاجة مكارمها. نياف. _________________________________. تحج بشهر ذالحجه وتلطم في عشر عاشور… لقينا طينتك واهل النجف تلبس خواتمها. ياعود لاحق الستين تزرع والصحاري بور… كنوز الارض من دونك مسكرتن مناجمها. الموج. _________________________________. على محمد ماطلعنا ياعوج الدنقور // تضيق من الهموم وعلتك بالصدر كاتمها. سمعنا الي تقوله يوم غنة باللحون طيور // وانا مشفق على الي جبتها لو مات واسمها. نياف. _________________________________. لوان فيكم من يكمل خطا الراحل ولد مستور.. عجوز هذيل ترضعكم وتجعلكم محارمها. ماندري من عيال الفغم ولا من عيال السور… الاكيد ان الجزور مقسمه وابقو قوايمها. الموج. __________________________________. عجوز هذيل للهذلان دور جدك المقبور // انا من روس قوم تغني الفقري غنايمها. نبشتين على الحيلات تبني بالخيال قصور. تشيدها على التزييف مير الصدق هادمها. نياف. ___________________________________. ماتستر سيتك وتشيل هم كبر حجم الطور… ماشفنا فزعتك مع عصبتك والوقت ضالمها. معك عشرين سيف ماتساوي وارد المنصور .. لاكن الناس عن درب الردا تطمرك بشيمها. الموج. ____ ______________________________. مخاليب الحرار تشوم عن ضربتك يالعصفور // تبى روس السمان ولاتطالع في هلايمها // عسى الله يصلح احوالك وتجبر بيتك المكسور // تحول بالدروب المضلمات ولنت فاهمها. نياف

…

انت يالعبدلي لجلك نسوق البشاره/ لجل راع الشداد ولجل ماقف رديفه/
الخساير كبيره بعد برج التجاره/ وانت تفتي وقبلك يفتي ابوحنيفه/ علي بن خشمان

كل مابطيت عن ربعي نويت الزياره/ والمذاهب شريفه والنوايا نظيفه
كان منت السبب بالكارثه والخساره/ سو مثل المريكاني وخلك حليفه/ بدر العبدلي

كل ليله تشرف فوق راس الزباره/ تحسب ن المكاسب بالعزوم الضعيفه
لاومرنا الولي نامر عليكم بغاره/ بالبنادق بعد دور السيوف الرهيفه/ علي بن خشمان

بعد سحب السفير وصك باب السفاره/ وين تلقا لمنصوب السفاره وظيفه
اطلب الله بالخيره وصل استخاره/ لاتوهق بليل اظلم ودنيا مخيفه/ بدر العبدلي

كل رجال ينشد فاللقا عن شعاره/ في بيوت القصيده في كتاب بن ريفه
مايردي عزيز النفس غير انكساره/كسرته تشبه لهد الجبال المنيفه/ علي بن خشمان

ادري ان الرجل يمناه تسعف يساره/ والسماطيرها ماطار لو لا رفيفه
لاتدخل يدينك في بطون الجحاره
والعقارب عشر والداب تسمع وحيفه / بدر العبدلي

الجبل في محله والقمر في مداره
مانقل خرجك الاموميات السفيفه
سمهن يمكن انه من شروط الطهاره
كل لدغه تقفي بالذنوب الخفيفه/علي بن خشمان

كل مايحلبون محينه فالقضاره
قالوالناس خلو قسمنا بالنصيفه
سامح الله عصر العولمه والحضاره
في زمان الخلافه ويش قال الخليفه/ بدر العبدلي

المواذين تسمع من علو المناره
والقبايل تسولف فالحجاز وشريفه/ علي بن خشمان

—————

يالموج كثرت العلوم ومايصح الا الصحيح
اللي علي مصدارها واللي علي ميرادها
ياكثر حذفك بالحصا لاكن مدري وش يطيح
واللي تدرق بالشجر قد صادها صيادها/ ول

عطني يمين الحق واصارحك بالعلم الصريح
قدام ريمه لاتنير بخرجها وشدادها
عيني تشوف اللي تشوفونه معا الجو الفسيح
ومعاير البندق علي الصيده ودق ازنادها/الموج

المشكله بكره ليامن صرت ديوس المنيح
ماعاد تلقا من يحط يدينها بقيادها
والبدو مايسلون دون ام اللين وام التيح
لابد ماتلقا اللتيحه واللبن في زادها/ ول١٢

الله كريم مع عباده لوتعذرك اشحيح
لوكانها بيديه ينقص مدته مازادها
البدو من زود الطغاتركي علي السمن ويسيح
واليوم هذا تحتفل باعياد غير اعيادها/ الموج

ماهو غريب ان فيضة القيصوم تنبت عود شيح
بس الغريبه نبتها ف بلاد غير بلادها
لابدها ماتثني غصونك من الارياح ريح
دهم المزون اللي يسابق برقها رعادها/ ول

العود الاخضر يذكرونه في مذاري كل سيح
وانته تواعد ناس مايصدق معك ميعادها
يامكثر الوجعات والصكات للقلب الجريح
والروس من زود الكبر عيا يطيح عنادها/ الموج

..

يالموج ليلك ليل وايامك ايام / والوقت مايعطيك درسه شهاده …//وش حقق الواقع من أضغاث الاحلام / واليل سره يتقي في سواده ..حمد الميموني
🍁🍁🍁🍁🍁🍁🍁🍁🍁🍁🍁🍁
الموج مسلم فاهم بدين الاسلام…. وان واجه الشعار يقدح زناده // الواقع يبرهن تحت روس الاقلام…… والحلم بنتن في نحرها قلاده /// علي بن خشمان
🍁🍁🍁🍁🍁🍁🍁🍁🍁🍁🍁🍁
تلبس ثياب العيد والناس صيام / وتفيد من لايطلبون الإفاده // البنت ماتت واتركت خمسة أيتام / والهاجري ماعاد يكبح جواده .. حمد الميموني
🍁🍁🍁🍁🍁🍁🍁🍁🍁🍁🍁🍁 اللي نوا العمره يبي يشري احرام….يمسح حرامه ساعه امن العباده ..// في حمكمة الله والقدر خير الاحكام…. ان كان مابادو بحرب الاباده .. علي بن خشمان
🍁🍁🍁🍁🍁🍁🍁🍁🍁🍁🍁🍁
سجدة سهو تصبح على المخطي إلزام / لو زدت ملح البحر بالملح زاده // الجو ملك الطير الاشقر ليا حام / والطير نعرف ريشته من هداده .. حمد الميموني
🍁🍁🍁🍁🍁🍁🍁🍁🍁🍁🍁🍁
تاخذكم العزه ياهل دين الاصنام….. صار الخطا لمدور الاثم عاده// محزمك ضاع ورحت تطلب الك حزام….. غير الشجاع اللي نزل من شداده .. علي بن خشمان
🍁🍁🍁🍁🍁🍁🍁🍁🍁🍁🍁🍁
كبرت حمران العلابي هل الشام / وكحلت بالاثمد عيون الجراده// ايامنا البيضا طوت صفحة العام / والي زرعنا العام جانا حصاده .. حمد الميموني
🍁🍁🍁🍁🍁🍁🍁🍁🍁🍁🍁🍁
الختم يكفي مطير من راس الابهام….. تقدير للوقفه وصبر وجلاده //اليوم ولا العام حطمت الارقام….. عدوكم ياهل القشر والقراده .. علي بن خشمان

..

هلا يامرحبا بالمعرفه والطيب والناموس/// ومن عنده عليها زود حنا نطلب زياده ،،، لياهبت صبا ثم استدارت من مهب الكوس// ترا اول ماتضايق عبدلي ان نزل اشداده،،،علي بن خشمان

عسى فيك البقا والوجه طيب والرضا ملموس && ليا جينا الضحا والا بجنح الليل وسهاده ،،، مواقفنا على وضح النقا ماتتشرى بفلوس & وانا خابرك ماتخلف طبايعك وعلى العاده ،،،، بدر العبدلي

الك عدة ليالي وانت عمس وهاجسك محبوس/// علي دنيا تغلب سلمها بالشر ولاده /: عوايدنا مثل حق الحصانه في يدين الروس// لاكن المشكله باللي توفا يوم ميلاده،،،،، علي بن خشمان

ليا لقحت وولدت وانت ترضع لك ثلاث ديوس & من الدنيا نبي نفطم رضيع الديس بمهاده،،،،انا خابرك دايم ماتجي بين السهم والقوس & تجوود في بساط الريح يوم ان الهوا قاده ،،، بدر العبدلي

ليالقحت شربنا الكيف من صنعا لنا محموس//ماينقص غير تفويحه وباقي وزنة اقناده //ترا علم الفلك لهل الفكر فكتابهم مدروس// ولاتزعل لياشفت الفضا ضايق برواده ،، علي بن خشمان

ابقلع ضرسها قدام لايدخل عليه السوس & مدام ان العلاج الي من الدكتور مافاده…..تعبنا كل ماهلت نجعنا للبروق عسوس & خيال بلا مطر ومزون براقه ورعاده ،،،،، بدر العبدلي

من سموم الفوارس سم ف صحون العشا مدسوس// كلاه الجايع بنفس شهيه وواوجع فواده //تحلمت وحلام الليل سراني معا الكابوس// علي ضوح الخيال وجرتن ماهيب منقاده… علي بن خشمان

سفير الدوله الي رشحوه الصلطنة قابوس & ماغير ايزارط الموز ويغص بمادبة زاده،،،،تسحب ذيلها من ليلها والروس تنطح روس & طواريق البدو تشقيك شداده ومداده ،،، بدر العبدلي

علي بن خشمان ( الموج ) و ( ابوخالد ) عتيبي

سلام الله سلامن فيه خير وجهته للخير // على روم المعاني والمعاني فيه موجوده –وكالات الجميح تباشر التوريد والتصدير…. يميزها علامتها وختم الاصل والجوده — الموج

هلا يا مرحبا والموج غير وفي حضوره غير // نقول الله يحييه ويحيي جملة اوفوده//على سيرة بعيدين الشبوح يواصلون السير // على شان الخطا من فوق قاع الارض معدوده //ابوخالد

تجمعتو علي عد الروا والدلو وسط البير//مثل مالله جمع شعب الخليج بمصيف السوده — اهل مدراس ف وقت المواقف غير اهل كشمير… مايقدر فيهم اللي كل ليله يامر جنوده — الموج

تجمعنا على التسبيح والتهليل والتكبير // ولا فينا مثل بعض البشر ينقز عن حدوده — مزياكم كثيره لا وقفتوا واحتمى التصوير // ولكن الكبود امن الضما والقيض ملهوده — ابو خالد

جنايه حقها فالرجم والتعذيب والتعزير …. حدود الشرع تعرف قبل بن جبرين والعوده /-يالارض الواسعه فالعين ماتسوين ريش الطير// لاصار ان النهايه قبر مضلم يطرد دوده — الموج

تحت حكم الشريعه ننبذ اهل الضلم والتبذير // وحجه مالها برهان للمحتال مردوده// حياض الموت لا مرت عمر لازم تمر عمير // وتبقى اللي على الامتان محفوضه ومرصوده // ابوخالد

درينا بالخبر وانته تراسل خلف ضلع النير// وراسود الجبال وخابر الريعان مقعوده //لوان الله خلق غير المهلهل فالجزيره زير….. تشوف الاسعدي يطرب لصوته في طرف ذوده — الموج

ترى للدين ساس وللفكر يالادمي تطوير // ومن يخلف كلام الحق ضيع كل مجهوده// جهود الهاجري ما بانت الا ليلة التحرير // على وضح النقى يرمي وغلق كل باروده — ابو خالد

..

العين تسبر بارق فالسما لاح// والهجس طير تو ماطلق وثاقه// بحر وضلام وفيه غبه وسباح// مرن يبين ومرتن بنسراقه. علي بن خشمان //

ياما وياما جا على الخاطر وراح & والبرق لا لاقاك بالخير لاقه & لابد يجلا الليل وابنور فضاح & يخيطها خيط السلوك الدقاقه // بدر العبدلي

//ياشجرة التفاح مافيه تفاح// اول شروط للهوي والعشاقه/ صدرك يشيل اللي تسموابه ارزاح// لوكان ماتعطي من الورد باقه/علي بن خشمان الهاجري /

بغت تقوم بشدها كله وطاح& وبقا على جمب الذلول العلاقه / تبى النسيم ووافقك هوج الارياح & والي يبوج الارض ياطول ساقه .. بدر العبدلي /

العود الاصلي لونس الجمر فواح// اخذه وعده للربع والرفاقه /سود الليالي كلها اسمان والقاح//ماتولد الاعقب عسر وشفاقه/ علي بن خشمان الهاجري.

 /تبي الحقيقه منك ماني بمرتاح & يالين اثبت صورتك في البطاقه / وين انت عنها ليل تحضير الارواح & دايم تقبلها على غير فاقه/ بدر العبدلي /

حلمت بانك جن في خف وجناح// جنبك ثلاثة جن في جنب ناقه// وادي الرشا مذكور في كثر الاشباح// وانته معا الوديان قطاع ساقه / علي بن خشمان

/في جمبها يالهاجري وسمها لاح & على ارقبتها والخدود الرقاقه & عندك خبر في مروية علط الارماح & ماتسبر الي ناشبن في ارواقه // بدر العبدلي

/ليلين نجني من هل القبله ارباح// روس العبادل تحت موس الحلاقه // بيبانكم خمسه ولافيه مفتاح// والباب ماينفك غصب وحماقه / علي بن خشمان

/ اليا بغينا نجرحك كلك اجراح & ياسرع ماخايط وسرع انفتاقه & ازريت لاميز سحابه وضحضاح & للناس ط
بع وللهبوب اصطفاقه/ بدر العبدلي

)؛

انت ياجراح ملزوم في قصر الضيافه…… والضيوف تواجهك فالمجي وفالمراحي// بعد موت معاويه لاتعدون الخلافه….. يامعلقت المصاحف علي روس الرماحي // الموج

واجب الضيفان ما يلحقه منا حسافه .. لاتحسب بيوتنا مثل فندقك السياحي// ياكبر فضل الدهينه على سعود العرافه .. يوم حظه علقه من على قرن الوضاحي / جراح

الحصاه تطاول الريع والمغزا خلافه…. والنذير يراقب الجمع والحزم البراحي / سامعلي علم ماهو خيال ولاخرافه….. قالو ان الخير ياتي من بطون اللقاحي / الموج

يابعيد الدار كم بيني وبينك مسافه .. لو تضيق جبال مكه تضيق بك البطاحي / العلوم اللي سمعتوبها كذبة صحافه .. كل خير يحفه الشر من كل النواحي / جراح

والله انا مارضينا بميقاف الضعافه……. كلمتن عند الرياحات من بعد الرياحي /. كان فيكم ياهل الضلع من ربي مخافه…… رزقكم ياتيبه الطير خفاق الجناحي .. الموج

لاتحسب انك نبي تمشي وفوقك طخافه .. انت من عرض العرب مر نيم و مر صاحي / الله الله شيّن اتحبه و شيّن تعافه .. ويش يعني لك رسوبي ويعني لك نجاحي .. جراح

ياخوال الهاشمي لو مافيكم لقافه…. ماعرفتو نطحة القوم والسم الذحاحي .. الموج

..

مرحبا ياهود ابوقحطان من قبل الرساله& لوجدك من رجال الغرب ماهوبقحطاني // لويغيب العود ابووقفات ياتونك عياله & لوذ في هضبة قديد وردد السبع المثاني .. الموج

البقى والعرق من ساس العروبه والاصاله & غير فرق الدين مايحسب حساب المودماني // الوجيه اتبين لاركب الرشا فوق المحاله & نحفظ الايات وانت اتحظر السحر العماني .. هود

تبرق وترعد وليل الخير يجذبني خياله & والله اني ماصدمني فالحياه الا زماني //الحسين يموت والشيعه تحسب ان له سلاله& حجهم عشره رجب في حوزة الركن اليماني .. الموج

السحاب اللي على كبد الثرى يرسم ضلاله &ارتطم دون الهواجر في طويلات المباني // من يهود القينقاع ابولهب نوخ جماله & ياقريش ارقو على راس الرفاع اعن الطماني .. هود

حلفنا من قبل هذا الشهر لٱ يبدي هلاله / حولو شد البعير ونزلو سرج الحصاني & الطنايا للرشيد ولبن جربا والطواله/ مايفرقهم من يعن العبيه بالعناني .. الموج

سلطنة قابوس ماحطو علمها في صلاله & يوم ماله لا عيال ولا بنات ولا خواني / كل ليل اطلع امن السجن خمسه بالكفاله & من كحل عين القريحه يبعج بطون المعاني .. هود

لاتقوله لين تعرف مبتدا لفظ الجلاله/ البلاط الهاشمي معبر طويلين اليماني & السجن للضالم وضلمه يعد اكبر عداله/في كتاب الحكم والتحكيم عند الصفهاني .. الموج

الربيع اليعربي خلا الملوك امع العماله & صرخة الليل الطويل اتهشم العوج المحاني / علم ابن الذيب من غيضه يطوح في عقاله & يمكن ال مره تذكي لجل عينه غيهباني .. هود