محاورة الشاعر عبدالله المسعودي – رحمه الله والشاعر جارالله السواط
عبدالله المسعودي
عـيني تـخيل اصـحابها اللي حيث ماحلـوا تحيل
لـــــدو لـــهــا يــاســـواط والا مــابـعـد لــــدو لــهــا
لـو مـات مـفتون الـهوى في رفة الطرف الكحيل
مــاعـاد يـسـمـع كـلـمـة الـمـعـروف لـــو تـقـولـهـا
جارالله السواط
لـن خـيلت عـينك جميع اصحابها خلك ثقيل
والارض مــتـرهـا وقــيــس عــرضـهـا مـــن طــولـهـا
وان مـــات مـفـتـون الـهـوى مانـلتقـي مـثـلـه مثيـل
لاتــحــرق الـطـبـخـه ونـكـرهـا ونــكـره دولــهـا
عبدالله المسعودي
انـتـه تـوصـيني نـسـيت انــي هـذيـلي مـن هـذيل
الـــنــاس عــارفــهــا وخـاطـبـهــا بــقــد عـقـولــهـا
عسى هذا يخبر هذا بكره ماحن اصحـاب فيـل
مـيـر انـت بـيـحت الـعـنيه قـبـل يـمـضي حـولـهـا
جارالله السواط
انـــا عـتـيـبي والـعـتـيبي مـــن ريـاجـيل الـجـميل
صـورتك لـن رحــت الـمـصـور لايـغــرك زولــهــا
الـلـيله الـلـيله نـبـا نـكـسيك بـثـياب الـجـميل
والـشمـس تـبـدي والـخـبـر يــبـدي ولـــو تـقـولـهـا
عبدالله المسعودي
رجـلٍ يدس الـماء عـن الـضميان اقول انه بخيـل
وارضٍ عـلـيـهـا الـغـيـث يمطـر مـاتسـيل اسـيـولـهـا
شـوك الـكتاده مـايخلص عـنك ياتمر النخيل
والـقـوم مـاتـتعب علـى شـوك الـكتاد اخيولـهـا
جارالله السواط
مـانـشـرب الا مـــن زبــيـده جـمـهـا مــاهـو قـلـيـل
تــشـرب مــنـه طـلـيـان بــربـر لـــو تــهـز ذيــولـهـا
اهــل المـغـازي لــن غــزو مـاتحـتـزم بـأم الفتيل
يـالـيـت بـعـض الـنـاس ماكان ارسـلـت مـرسـولـهـا
عبدالله المسعودي
اطـلـع لـيـا راس الـجبل وانـزل لـيا بـطن الـمسيـل
وام الــكــبـايــر لاتــــزال ايــديــنـهـا فـحـثـولـهـا
الطـبع غـالـب لـلـتطبـع كـيـف اغـيـر مـستحيـل
الـــنــاس طــلــعـت لــلـقـمـر ومـطـبـلـه بـطـبـولـهـا
جارالله السواط
اطـلـع على سـطـح الـقمر يـاطـرقيٍ عـابر سـبيـل
انـــتــه بــفـعـلـك والـنـشـامــا بــيـنـات افـعـولـهـا
ياسايق الـموتـر على هـونك ترى ليلك طـويـل
حــاســب علـى ســيـارتـك بـطـلــوعـهـا ونــزولـهـا
عبدالله المسعودي
ودي بخـيـل ابـلا ســروج ولا ســروج ابـدون خـيـل
لاتـــحــرم الاجـــواد مـــــن زواد لـــيــن تــنــولــهــا
تراك يابن الـناس فيك احساس وشـعـورٍ نبـيـل
والمشكله كـبرت عـليك ولا عـرفت احـلـولـهـا