عبدالإله شلواح العتيبي : هلا مرحبا ترحيبةٍ يالعصيمي ماتبور
ولو بار دولار الخواجه ثبت دولارها
لك اسنين تاكل ماتسمي من جنوب الجزور
وهالحين مالك شيء فيها ولافي غارها
د.حمد العصيمي :
يدوم البقاء والارض بامر الله الخالق تدور
على امره وتدبيره ولاغيره اللي دارها
بعد ماشبعنا من شحمها وغطينا القدور
وش يهمنا لو العرب تقتسم فحوارها
عبدالإله شلواح العتيبي :
ترى اللي بقالك من لياليك وايامك شهور
ومقهات نارك غيرك اللي يولع نارها
تبا تجيك الايام بكره بعد شهب الدهور
على الديره اللي كنت تحرم اهلها خارها
د.حمد العصيمي :
تراكم ليا هالحين في سكة السيل الحدور
ياكم خيمة قد قشها واقتلع تيزارها
اجيها جمل واروح عنها جمل ماني بثور
وديرة حلي خابر بقرها وخابر ثورها
عبدالإله شلواح العتيبي :
اليا كان سور الذيب مايقنع الكلب العقور
جبالن زبنها الذيب ماتحتميه احجارها
هل الديره اللي ماش فيها حكيم لكل شور
جملها اليا استثلب يقدر بسعر احمارها
د.حمد العصيمي :
والا يالرهاوي طارت بها مخاليب الصقور
وراحت عليكم واختلط ريشها بغبارها
ملكنا السما عرضه وطوله مع السبع البحور
العصيمي :
والا يالرهاوي طارت بها مخاليب الصقور
وراحت عليكم واختلط ريشها بغبارها
ملكنا السما عرضه وطوله مع السبع البحور
وهذي سفينة دوروا عندكم بحارها
عبدالإله شلواح العتيبي :
تضيق القبور ولاتضيق المجالس والصدور
لو الغيض فيها اجبال مابيحة باسرارها
ذبحك التغطرس فاخر الوقت واهلك الغرور
ولاعاد معك الا الحدايق تقص اشجارها
د.حمد العصيمي :
يصرفكم مع الخط وانتم مية شرطي مرور
ولا يحسب لهيبة كبار العرب واصغارها
يصنفر مواتركم ولا احتاجت لدهن السيور
بعد مايصنفرها يعود ويدهن سارها
عبدالاله شلواح العتيبي :
كلام السعة ماموت اللي له القبر امحفور
وهو حي باقي والمقابر تعب حفارها
ابعذرك فيها يالعصيمي واقولك امعذور
ولاني موردها وترجع على مصدارها